*تو پھر یہ لوگ کون ہیں اور کہاں پائے جاتے ہیں ۔۔۔۔۔۔۔ ؟؟؟*

 

*╭┄┅┅┅─══❁﷽❁══─┅┅┅•┄╮*

     *🤝​اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎​* 

 ➖➖➖➖➖➖➖➖➖➖

 

*تو پھر یہ لوگ کون ہیں اور کہاں پائے جاتے ہیں ۔۔۔۔۔۔۔ ؟؟؟*

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

 کسی دانا کاقول ہے کہ "راستے پر بہت سارے کنکر پڑے ہوں تو جوتا پہن کر بآسانی چلا جا سکتا ہے ، لیکن جوتے کے اندر ایک بھی کنکر موجود ہو تو صاف ستھری سڑک پر چلنا محال ہو جاتا ہے ۔۔۔۔۔۔۔"

ہم اپنی ناکامیوں کا الزام دوسروں پر تو شد و مد سے لگاتے ہیں لیکن اپنے اندر کی کمزوریوں سے ہارنا ہمارا پسندیدہ معمول اور انجوائے بن چکا ہے ۔۔۔۔۔۔۔۔۔

بدقسمتی سے ایسے کتنے کنکر ہمارے معاشرے میں موجود ہیں جنہوں نے معاشرے کو ناسور بنا کر رکھ دیا ہے ۔۔۔۔۔۔۔۔

پاوں تو پاوں کتنے دل جس سے زخمی ہیں ۔۔۔۔۔۔۔۔

کتنی جماعتیں گھائل ہیں ، جن سے خون رس رہا ہے ۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کچھ لوگ بڑے حاسد ہوتے ہیں ۔۔۔۔۔۔   بد دیانت ہوتے ہیں  ،  لالچی اور لٹیرے ہوتے ہیں ۔۔۔۔۔۔۔

 قوم کے خائن ہوتے ہیں وغیرہ وغیرہ

 

لیکن نہ تو میں ایسا ہوں اور نہ ہی آپ ۔۔۔۔۔۔۔ !!!

  تو پھر حیرت کی بات ہے کہ یہ لوگ کہاں پائے جاتے ہیں ۔۔۔۔۔۔۔۔۔۔؟

 

سچائی ہم سب کو پسند ہے ، ہم سب اس کا پرچار بھی کرتے ہیں ، لیکن آج تک یہ پتہ نہیں چل سکا کہ جھوٹا بندہ پھر ھےکون  ۔۔۔۔۔۔۔ ؟

لوگوں سے سوال کریں کہ کیا ہمارے درمیان  مکار اور دھوکے باز لوگ بھی موجود ہیں ۔۔۔۔۔۔۔۔ ؟

سب کے سب نہ صرف ہمیں ہاں میں  جواب دیں گے بلکہ اپنا اپنا واقعہ بھی سنائیں گے کہ کیسے کیسے  ان کے ساتھ دھوکہ اور ظلم ہوا ، ان کی شرافت کا ناجائز فائدہ اٹھایا گیا  اور ستم یہ کہ یہ سب کرنے والا کوئی دور کا نہیں بلکہ اپنا  تھا ۔۔۔۔۔۔۔۔

 

یہ طے شدہ بات ہے کہ ہم سب لوگ صاف و شفاف ہیں اور فراڈ کرنے والے کوئی اور ۔۔۔۔۔۔۔۔ !!!

ہماری ہر بات مدلل ہوتی ہیں جبکہ مخالف کی ہر بات بکواس ۔۔۔۔۔۔۔ !!!

ہم علم کا مینار ہیں  اور مخالف جہالت کا پہاڑ ۔۔۔۔۔۔۔۔۔۔ !!!

یہ بھی حقیقت ہے کہ ہم سب وقتا فوقتا اپنے آپ کو گنہگار کہتے رہتے ہیں ،  یہ الگ بات ہے کہ ہمیں اپنا کوئی قابل ذکر گناہ یاد نہیں آتا ۔۔۔۔۔

ہم سب ظلم کے ستائے ہوئے ہیں ۔۔۔۔۔ پر ظالم کوئی یہاں  نظر نہیں آتا ۔۔۔۔۔

 

خلاصہ  : ۔  سارے منفی صلاحیت والے لوگ ابھی تک دریافت نہیں ہو سکے ۔۔۔۔ ان کے بارے میں صرف اتنا ہی معلوم ہو سکا ہے کہ کچھ لوگ ایسے ہوتے ہیں ۔۔۔۔۔۔۔۔۔

تباہ ہو کر بھی تباہی نہیں دکھتی !!!

 

ہائے رے پاکیزگی اور صفائی ۔۔۔۔۔۔۔ !!! 

 

"فمن یعمل مثقال ذرة خیرا یرہ

ومن یعمل مثقال ذرة  شرا یرہ"

 

کاش اس آئینہ کو ہم نہ بھولتے ۔۔۔۔ !!!

               عتیق الرحمن الریاضی

 

خوشامد ، بیجا تعریف ذبح کے مترادف ہے ۔۔۔

""""""""""""""""""""""""""""""""""""""""""""""""""

خوشامد مطلب ۔۔۔۔ چکنی چپڑی دلفریب باتیں ، چاپلوسی ، تملق ، بیجا مدح  ،  مدارات ، ستائش اور ریاکارانہ باتیں ۔۔۔۔۔۔۔۔۔

 کامیاب وہی لوگ ہوئےجنہوں نے اپنے آپ کو خوشامدی چمچوں سے بچایا،

اور مخلص و نیک لوگوں کو اپنا ساتھی و مشیر کار بنا یا ۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بڑے بڑے عہدوں اور منصبوں پر فائز اکثر لوگ اپنے آپ کو بادشاہ جیسا سمجھنے لگتے ہیں ، چنانچہ ایسے لوگوں کی شاہانہ فطرت کی تسکین کے لئے معاشرے میں بہت سے خوشامدی بھی پیدا ہو جاتے ہیں ۔۔۔۔۔۔

 جس کی وجہ سے معاشرتی بگاڑ اور معاشرے میں من مانیاں پیدا ہوتی ہیں ۔۔۔۔۔۔۔

خوشامد ایک کیف اور مستی کا نام ہے ، جب یہ خمار چڑھتا ہے تو دنیا کے سارے نشے اس کے سامنے پانی مانگتے نظر آتے ہیں ۔۔۔۔۔۔۔

ایک صاحب سگریٹ خود نہیں پیتے تھے مگر جیب میں ماچس ضرور رکھتے تھے ، جیسے ہی ان کا باس پیکٹ سے سگریٹ نکالتا تو موصوف کرتب دکھانے والے فنکار کی طرح ماچس کی تیلی جلا کر سگریٹ سلگانے میں باس کی مدد کرتے ۔۔۔۔۔۔

 ان کے کسی خاص ساتھی نے پوچھ لیا کہ آپ ایسا کیوں کرتے ہیں ۔۔۔۔۔ ؟

تو کہا کہ تمہیں کیا معلوم ۔۔۔۔؟

  اس سے میرا گراف آسمان کی بلندیوں کو چھوتا ہے ۔۔۔۔۔۔۔۔

 

کسی بھی محفل کسی بھی میٹنگ میں باس کو عقل کل سمجھا جاتا ہے ، اس کے ہاں میں ہاں ملانا ۔۔۔ واہ واہ کا ورد کرنا ۔۔۔  مبارک اور سلامتی جیسے الفاظ باہم ان کی سماعتوں کی نذر کرنا  اور باس کو اپنی حمایت میں ایک جملہ سن لینا خوشامدی کی سب سے بڑی امید ہوتی ہے ۔۔۔۔۔۔۔۔

خوشامد ۔۔۔۔ ایسی بیماری ہے جس کسی کو لگ جائے اسے تباہ و برباد کر دیتی ہے ۔۔۔۔ آج مسلمانوں کے بگڑے حالات اداروں کا زوال ، ناقص معیار یہ سب خوشامد کی وجہ سے ہو رہا ہے کیونکہ خوشامدی لوگ حد سے زیادہ تعریف اور بے جا مدح سرائی میں ذمہ داروں کے کاموں کو اتنا بڑھا چڑھا کر پیش کرتے ہیں جو دراصل حقیقت میں ہوتا نہیں ۔۔۔۔۔۔۔۔

خوشامدی شخص کبھی وقت ضرورت  بھی مثبت اور اصلاحی تنقید بھی نہیں کر سکتا ،  اس کی زبان پر تو بس تعریف ہی تعریف ۔۔۔۔۔۔

 

 اگر یہ کہوں تو بے جا نہ ہوگا کہ خوشامدی لوگوں نے ہمارے سماجی ، سیاسی اور رفاہی اداروں کو انتہائی پستی میں پہنچا دیا ہے ۔۔۔۔۔۔۔

میرے بھائیو !  اٹھو حق کا بول بالا کرو ،  بیجا تعریف اور خوشامد سے ذمہ داروں کو اور خود کو گمراہ نہ کرو کیونکہ جس قوم کا رہبر یا جس ملک کا بادشاہ خوشامدیوں کے نرغے میں پھنس جائے تو پھر وہ قوم یا ملک ترقی اور عروج کے راستے سے بھٹک جاتا ہے ۔۔۔۔۔۔۔۔۔

خوشامدیوں میں گھرا ہوا انسان شیرے کی قوام میں پھنسی ہوئی مکھی کی طرح بے بس اور معذور ہوتا ہے ۔۔۔۔ رفتہ رفتہ اس کے اپنے حواس معطل ہو جاتے ہیں اور وہی کچھ دیکھتا سنتا بولتا سونگھتا اور محسوس کرتا ہے جو چاپلوسی ٹٹو چاہتے ہیں ۔۔۔۔۔۔۔۔۔.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خوشامد دھوکہ دہی ، دروغ گوئی کی  ایک اعلی قسم ہے جس کے ذریعے فرد تو خود برباد ہوتا ہے ساتھ ہی جس کی مدح سرائی کر رہا ہے اسے بھی تباہ و برباد کر دیتا ہے ۔۔۔۔۔۔۔۔

مدح سرائی کرنے والے کا دل خود گواہی دیتا ہے کہ سامنے والا حقیقت میں اس کا مستحق نہیں ہے پھر بھی تعریف پہ تعریف یہ سراسر نفاق کی علامت ہے ، جس کا انجام بہت ہی خطرناک ہے ۔۔۔۔۔۔۔۔۔

جس کی بات بات پر تعریف کی جاتی ہے وہ شخص بڑائی اور احساس برتری کے دلدل میں پھنستا چلا جاتا ہے حتی کہ بیجا تعریف  اسے بڑے بڑے متکبروں کے صف میں کھڑا کر دیتی ہے ، جو اس کے لئے باعث ہلاکت  ہے ۔۔۔۔۔۔۔۔۔۔۔

چاپلوس آدمی دوسروں کی نگاہ میں اور خود کی نظروں میں ذلیل و خوار ہوتا چلا جاتا ہے لوگ اسے چاپلوس کے نام سے یاد کرنے لگتے ہیں ۔۔۔۔۔۔۔۔

 اس طرح وہ معمولی مفاد کی خاطر اپنی عزت خاک میں ملا دیتا ہے ۔۔۔۔۔۔۔

 

رسول اللہ صلی اللہ علیہ وسلم بیجا تعریف و مدح سرائی اور خوشامد کو ہرگز پسند نہیں فرماتے تھے ۔۔۔۔۔۔۔

ایک حدیث میں ہے کہ "جب تم کسی کو منہ پر تعریف کرنے والا دیکھو تو اس کے منہ میں مٹی ڈال دو" ( مسلم شریف)

ہمارے اسلاف و اکابر کی تاریخ گواہ ہے کہ انہوں نے کبھی بھی اپنی نہ تعریف پسند کی اور نہ تعریف کرنے والے کو پسند کیا ۔۔۔۔۔۔۔۔۔

قابل مبارکباد اور لائق تحسین ہیں وہ علماء اور دینی رہنما جو برملا اس فعل قبیح پر تنقید کرتے رہتے ہیں اور عاجزی و انکساری کرتے ہوئےدوسروں کے لئے نمونہ بنتے ہیں ۔۔۔۔۔۔۔۔۔

 

کیوں کہ لوگوں سے تعریف سننا نہیں ۔۔۔  بلکہ اللہ رب العالمین کے یہاں تعریف کے قابل ہونا اور اس کی نظر میں عزت و عظمت پانا ہی حقیقی عزت ہے ۔۔۔۔۔۔۔۔۔

میرے بھائیو !

 آخر میں عرض ہے کہ اگر اداروں و معاشروں سے صرف خوشامد ختم ہوجائے تو بہت سارے مسائل ختم ہوجائیں گے ۔۔۔۔۔۔۔۔۔

اگر خوشامد نہ رہے تو قابل ، باصلاحت ، مستحق  اور مخلص لوگ اہم عہدوں پر  ہوں گے ۔۔۔۔۔۔۔۔۔

پھر ان شاءا

 

للہ العزیز  ملک و قوم کے حالات بہت جلد بہتر ہو جائیں گے ۔۔۔۔

 

اللہ تعالی ہمیں کامل مسلمان بنائے ، ہماری قوم و ملت اور ملک کو موجودہ بحران سے نجات دیدے ، آمین